د کابل ښار اړوندو ښوونځیو د ښوونکو له رزونیز سیمینار څخه څارنه وشوه
له ټاکل شوي مهالوېش سره سم د پوهنې وزارت په ساینس مرکز ریاست کې، د کابل ښار اړوندو ښوونځيو د ۱۵۰ تنو ښوونکو لپاره « د ریاضي، فزیک، ساینس، کیمیا او کمپیوټر برخو کې» د هغوی د وړتیا لوړولو په موخه یو ښوونیز سیمینار په لاره واچول شو.
د کابل ښار پوهنې رئیس قاري عبدالباسط حقاني او ورسره مل پلاوي له یاد سیمینار څخه لیدنه وکړه.
نوموړي په خپلو خبرو کې له ګډون والو وغوښتل، چې د یاد سیمینار له علمي محتوا څخه اعظمي ګټه پورته کړي، ترڅو زده کوونکو ته د ساینسي مضامینو عملي او لابراتواري درسونه په سمه توګه وړاندې کړي.
همدارنګه د کابل ښار پوهنې رئیس د پوهنې وزارت د ساینس مرکز له مشرتابه او استادانو څخه د کابل ښار د ښوونکو او د ښوونځیو د کارکوونکو لپاره د ښوونیزو او میتودیکي سیمینارونو او ورکشاپونو د جوړولو له امله مننه او قدرداني وکړه.
