د پوهنې وزارت د کارکوونکو لپاره د چوپړونو د وړاندې کولو په بهیر کې د اصلاحاتو راوستلو په موخه مشورتي غونډه جوړه شوه
د پوهنې وزارت د بشري سرچینو او اداري پراختیا د لوی رئیس مفتي محمد یوسف ثاقب په مشرۍ د یاد ریاست ځانګړې مشورتي غونډه، په داسې حال کې جوړه شوه، چې پکې د نورو څانګو رئیسانو او مسئولینو هم حضور درلود.
د یادې غونډې پر مهال، د افغانستان.ا.ا. د عالي مقام د مشرتابه د لارښوونو په رڼا کې، د هېواد د دیني مدارسو د استادانو، اداري او خدماتي کارکوونکو د ګمارنې د پروسې ګړندي کولو، د یاد ریاست د مراجعینو لپاره د لازمو اداري آسانتیاوو د برابرولو او د پوهنې وزارت د تشکیلاتي جوړښت ترڅنګ، د دندو د لایحې په تړاو تفصیلي خبرې وشوې.
یاده غونډه د پورتنیو مهمو موضوعاتو په اړه له هراړخیزو بحثونو وروسته، د لازمو تصمیمونو په نیولو او د دعائیې په لوستلو سره پای ته ورسېده.
