سنگ تهداب یک باب مدرسه دینی در ولایت غزنی گذاشته شد
د پوهنې وزارت له لوري، د غزني ولایت مرکز اړوند په لغاري کلي کې د یو باب دیني مدرسې د بنسټ ډبره، د یاد ولایت د پوهنې مشرتابه، دیني علماوو، د سیمه ییزو ادارو مسئولینو او قومي مخورو په ګډون د یو لړ مراسمو په ترڅ کې کېښودل شوه.
د غزني ولايت پوهنې رئيس الحاج مولوي مير نصير احمد حسيني وويل: د عمر فاروق (رضی الله عنه) د مدرسې ودانۍ چې ۴ درسي خونې، د پاکو اوبو څاه او مناسبه فضاء لري، د یو تن معارف دوسته شخص له لوري په دوه جرېبه ځمکه کې جوړېږي.
نوموړي څرګنده کړه، د یادې پروژې ټول لګښت ٢،٥ ميليونه افغانۍ دى، چې د غزني د پوهنې د مينه والو له مرستو څخه تموېلیږي.
د پوهنې وزارت مشرتابه د غزني ولایت له خلکو سره د دوی د ښوونیز نظام د پیاوړتیا په برخه کې د مرستو او ملاتړ له امله مننه او خوښي څرګندوي.
د یادولو وړ ده، چې دغه مدرسه به په یو وخت کې د ۲۰۰ تنو زده کوونکو ظرفیت ولري.
ديني علماوو او يو شمېر نورو ويناوالو هم د اسلام له نظره د موضوع په تړاو خبرې وکړې او د پوهنې وزارت او د غزني ولايت د پوهنې رياست له پروګرامونو او پلانونو يې خپل مادي او معنوي ملاتړ اعلان کړ.
د پوهنې وزارت مشرتابه هم د پوهنې په برخه کې د خلکو د مرستو هرکلی کړی او ستاینه یې کړې ده.
