په لوګر ولایت کې یو باب لومړنی ښوونځي تاسیس شو
د لوګر ولایت پوهنې ریاست په یوه خبرپاڼه کې ویلي، چې د یاد ولایت خروار ولسوالۍ اړوند په بهادرخېلو کلي کې د حضرت محمد «صلی الله علیه وسلم» په نوم یو لومړنی ښوونځي تاسیس او د زده کوونکو پر مخ پرانیستل شو.
د یاد ولايت د پوهنې مسئولينو د څرګندونو له مخې: دغه ښوونځى د خروار ولسوالۍ د پوهنې مينه والو په پرله پسې غوښتنې سره جوړ او ګټې اخيستنې ته وسپارل شو.
د يادونې وړ ده، چې تر دې وړاندې په ياد کلي کې هېڅ ښوونځى وجود نه درلود او د ياد ښوونځي په جوړېدو سره د ٣٠٠ تنو ماشومانو لپاره د زده کړې آسانتیا برابره شوې ده.
د خروار ولسوالۍ اوسېدونکو د پوهنې وزارت د مشرتابه او د یاد ولايت د پوهنې رياست له هڅو ستاينه وکړه او د پوهنې رياست له ښوونیزو پلانونو او پروګرامونو يې خپل ملاتړ اعلان کړ.
