د غزني ولایت له مدارسو سره د یو همکار بنسټ له لوري مرسته وشوه
په غزني ولایت کې یو خیریه بنسټ، د یاد ولایت د ۵۰ بابه دیني مدارسو له زده کوونکو سره ۱۰۰۰ بستې خوراکي توکي مرسته وکړه.
یاد خوراکي توکي چې اوړه، وريجې، غوړي، لوبيا، نخود، بوره او د کورنيو د اړتيا وړ يو شمېر نور توکي په کې شامل دي، د پوهنې رياست په همکارۍ او همغږۍ مدارسو ته ووېشل شول.
د غزني پوهنې ریاست مسئولین وايي: د خوراکي توکو د مرستې ترڅنګ، یاد بنسټ د دغه ولایت له مدارسو سره د حدیث شریف ۸۰ ټوکه کتابونه او د قرآن کریم یو زره ۱۴۰ جلده مرسته هم کړې ده.
د پوهنې وزارت مشرتابه له پوهنیز نظام سره د همکارو بنسټونو د ملاتړ او د خلکو د وطن دوستۍ له احساس څخه مننه کوي.
د ياد ولايت د پوهنې رئیس وويل، چې يو شمېر نورو ادارو هم د غزني له ديني مدارسو سره د ورته همکارۍ ژمنه کړې ده.
