د بامیان ولایت په مرکز کې د قرآن کریم د زده کړې له درسي ټولګيو څخه یو شمېر ښځینه زده کوونکې فارغې شوې
د بامیان ولایت مرکز اړوند د اژدر په کلي کې څه باندې ۶۰ تنه خویندې د یو لړ مراسمو په ترڅ کې د قرآن کریم د زده کړې له دورې او سواد زده کړې له ټولګیو څخه فارغې او تصدیق پاڼې یې ترلاسه کړې.
یاد ښوونیز پروګرام د بامیان ولایت پوهنې ریاست له خوا د ابراء خیریه بنسټ په مالي مرسته پیل شوی ؤ.
د باميان ولايت پوهنې رئيس الحاج مولوي رحمت الله قنديلي دغو مېرمنو ته د فراغت مبارکۍ ترڅنګ، د اولادونو په سالمه روزنه او پالنه کې د مېرمنو رول مهم او اړين وباله او زیاته یې کړه، هغه فارغان چې د خپلو زده کړو د دوام لېوالتیا لري، کولای شي د ښوونځيو په څلورمو ټولګي کې شامل شي.
په همدې حال کې د ابراء خيريه بنسټ مسئول د خپلو کړنو په تړاو تفصیلي معلومات وړاندې کړل او په نیږدې راتلونکي کې يې د ۱۰۰ تنو نورو کسانو لپاره د قرآن کريم د زده کړې او لیک لوست پروګرامونو اړوندو ټولګيو د جوړولو اعلان وکړ.
