د بغلان ولایت شریفو خلکو د یاد ولایت پوهنې رياست ته ۹۲ زره متر مربع ځمکه وقف کړې ده
د بغلان ولایت پوهنې ریاست سره د عامو خلکو د مرستو په دوام، د روان ۱۴۰۲ لمريز کال په اوږدو کې د یاد ولایت عامو خلکو د دیني مدارسو او ښوونځيو د جوړولو په موخه، خپله ۹۲ زره متره مربع ځمکه وقف کړې ده.
د پوهنې وزارت مشرتابه او د بغلان ولایت د پوهنې ریاست مسئولینو، د یاد ولایت د ولسونو د ښو کړنو او مرستې له امله هرکلی او مننه وکړه او د دوی دغه علم پروره کړنه یې صدقه جاریه نېک عمل وباله.
د يو بل خبر له مخې، په همدې موده کې د ٦٥ بابه دیني مدارسو لپاره احاطوي دېوالونه رغول شوي او د اوبو څاه ګان هم کيندل شوي دي.
