په دايکنډي ولايت کې ديو باب ښوونځي لپاره ځمکه وقف شوه
د پوهنې په برخه کې د بااحساسه هېوادوالو د ملاتړ په دوام، دا ځل د دايکنډي ولايت پاتو ولسوالۍ اړوند د ورس عليای د کلي اوسېدونکي محمد انور د محمد علي زوی خپله شخصي ۳۰۰متره مربع ځمکه د ښوونځي جوړولو لپاره وقف کړه.
د پوهنې وزارت مشرتابه او د دايکنډي ولايت د پوهنې رياست مسئولينو د دغه بااحساسه هېوادوال د پوهنې د دوستانه کړنو له امله د هرکلي او مننې ترڅنګ له نورو خلکو هم وغوښتل، تر څو د ښوونيز نظام لاپياوړتيا په موخه د پوهنې په برخه کې خپلې مادي او معنوي مرستې وکړي.
