د اسلامي هېوادونو د همکارۍ سازمان سفیر د پوهنې وزارت له سرچینو او اداري معین سره وکتل
په افغانستان کې د اسلامي همکاریو د سازمان سفیر محمد العیاش او ورسره مل پلاوي، د پوهنې وزارت د سرچینو او ادارې له معین مولوي صبغت الله وصیل سره وکتل.
په یاده کتنه کې دواړو لورو د افغانستان د پوهنیز نظام، ننګونو او لاسته راوړنو په اړه مفصل بحث او د نظرونو تبادله وکړه.
د اسلامي هېوادونو د همکارۍ سازمان سفیر د افغانستان په ټولو برخو په ځانګړې توګه د پوهنیز نظام برخه کې، د افغانستان.ا.ا. له لاسته راوړنو څخه مننه او قدرداني وکړه.
دغه راز نوموړي د اسلامي هېوادونو د همکارۍ سازمان په استازيتوب د پوهنې وزارت له مشرتابه سره ژمنه وکړه، چې د متوازنو ښوونيزو خدمتونو د پراختيا په موخه به له پوهنې وزارت سره په بېلابېلو برخو کې همکاري او ملاتړ وکړي.
ورپسې د پوهنې وزارت د سرچینو او اداري معین مولوي صبغت الله وصیل، راغلي پلاوي ته د ښه راغلاست په ترڅ کې، د پوهنې له وزارت سره د یاد سازمان له همکاریو مننه او قدرداني وکړه.
