په هرات ولایت کې د پوهنې وزارت د سرپرست په حضور کې د ا/مارت پېژندنې سیالي تر سره شوه
د ا/مارت پېژندنې په هغه سیالي کې چې د هرات ولایت د ۲۵ ښوونځیو د ۸۰۰ زده کوونکو ترمنځ په لاره اچول شوې وه، پکې د پوهنې وزارت سرپرست الحاج مولوي حبیب الله آغا، د یاد ولایت والي، پوهنې رئیس او رهبرۍ ګډون درلود.
د آزموينې مراسم د قرآن کريم د څو مبارکو آيتونو په تلاوت سره پيل شول او ورپسې د یاد ولايت
پوهنې رئيس مولوي رحمت الله جابر، د پوهنې وزارت سرپرست او مېلمنو ته ښه راغلاست ووايه او د یادې آزموينې د پيل د موخو او لارو چارو په اړه يې ګډونوالو ته معلومات ورکړل.
په ورته مهال د پوهنې وزارت سرپرست په خپله ارزښتناکه وینا کې د دغو سیالیو په پیلیدو خوښي څرګنده کړه او ویې ویل: د ځوانانو او تنکیو ځوانانو ترمنځ د دا ډول سیالیو په لاره اچول به د ا.ا.ا.په اړه د هغوی پوهاوی او د هېواد په سیاسي نظام د هغوی باور لا زیات کړي.
دغه راز نوموړي زده کوونکي د هېواد د راتلونکي جوړونکي وبلل او له هغوى یې وغوښتل، چې د هېواد د نېکمرغه بچيانو په توګه دې د .ا.ا.ا. د وړاندې شويو پلانونو د پلي کولو په لاره کې هر اړخيزه مرسته وکړي او د خپل وېجاړ هېواد د آبادۍ او پرمختګ په لار کې په خپل ټول توان سره فعاله ونډه واخلئ.
دهرات ولايت مرستيال مولوي مهاجر فراهي په خپلو خبرو کې دښوونځيو دزده کوونکو ترمنځ دعلمي سياليو دجوړولو ستاينه وکړه او ويې ويل چې دغه ډول سيالۍ دهغوى دپوهې په لوړولو کې ډيرې اغيزمنې دي .
د هرات ولايت د پوهنې مسئولين وايي، د یادو سياليو پر ممتازو ګډون والو به د هغوی د هڅونې په موخه ډالۍ هم ووېشل شي.
