له ولایتونو څخه د پوهنې لنډ خبرونه
بامیان
د باميانو ولايت پوهنې رئيس مولوي رحمت الله قنديلي او ورسره مل پلاوي د ياد ولايت مرکز اړوند د نارينه وو عالي لېسې له تدريسي او اداري څانګو څخه څارنه وکړه.
لغمان
د لغمان ولايت پوهنې رئيس مولوي شاه جهان ساجد د علي خېلو لېسې اداري او ښوونيز فعاليتونه وڅارل او له مسئولينو يې وغوښتل، چې د هېواد د ماشومانو د سالمې روزنې په برخه کې جدي هڅې وکړي.
د یو بل خبر له مخې:
د لغمان ولايت پوهنې رئيس د يادې ادارې له څانګو څخه څارنه وکړه او له مراجعينو سره يې د ښه چلند غوښتنه وکړه.
کاپیسا
د کاپيسا ولايت پوهنې رئيس مولوي محمد فريد حقاني د ياد ولايت په تګاب ولسوالۍ کې د جامعه عمريه مدرسې او د حضرت علي (رضي الله عنه) دارالاېتام اداري فعاليتونو وڅېړل او په دې اړه يې اړوندو مسئولينو ته لازمې لارښوونې وکړې.
د يو بل خبر له مخې:
د کاپيسا ولايت حصه اول ولسوالۍ د پوهنې آمر مولوي عزيزالرحمن رحماني په ګډون د بي بي حليمه سعديه(رصي الله عنها) ښځينه وو دارالفاظ د يادې ولسوالۍ په افتابچي کلي کې د سيمې د خلکو په ګډون پرانيستل شو.
