د پوهنې وزارت د کیفیت تضمین معین د امام ابوحنيفه رحمه الله دارالعلوم د آزموينو له بهير څخه څارنه وکړه.
د پوهنې وزارت د کیفیت تضمین معین، الحاج مولوي عبدالخالق صادق، د یو شمېر مسئولینو په ملتيا، امام ابوحنیفه رحمه الله مدرسې د آزموینو له بهير څخه لیدنه وکړه.
ياد پلاوی امام ابوحنيفه دارالعلوم ته د رسېدلو په ترڅ کې د مسئولينو او زده کوونکو له تود هرکلي سره مخامخ شو.
ورپسې د پوهنې وزارت معين، د علم او پوهې په ارزښت خبرې وکړې او زده کوونکو ته یې وویل: د خپلو استادانو درناوی وکړئ او په خپلو زده کړو کې زیار وباسئ.
نوموړي له دوی وغوښتل، چې په راتلونکي کې د خپلو خلکو او هېواد په وړاندې خپلې دندې په صادقانه توګه سرته ورسوي.
د یادولو وړ ده چې:
ياد دارالعلوم په ۱۳۲۳ لمريز کال د کابل ولايت بګراميو ولسوالۍ کې تأسيس شوی چې اوسمهال پکې ١٣٠٠ تنه نارينه او ۲۰۰۰ ښځينه زده کوونکې په ديني او عصري زده کړو بوخت دي، چې د تدريس بهير يې د ١١٦ تنو استادانو له لورې پر مخ ځي.
