د پوهنې وزیر د ولایتی رئیسانو د کړنو د څار او ارزونې لړِۍ شروع کړه
پوهنې وزارت- کابل: دپوهنې سرپرست وزیر ډاکټر محمد میرویس بلخی په حضورکې د پوهنې د ولایتی رئیسانو د کړنو او لاسته راوړنو د څار او ارزونې لړی پیل شوه.
یاده ارزونه د پوهنې ولایتی رئیسانو کړنې، لاسته راوړنې، د هغوی د کړنو روڼوالی د یو کال په موده کې د ملکي خدمتونو دکارکوونکو د قانون په رڼا کې رانغاړي.
د اداري اصلاحاتو او ملکي خدمتونو د کارشناسانو د څارکمېسیون د غړیو له خوا د لغمان، کاپیسا او کابل ښار د پوهنې د دریو رییسانو کړنې برسي او ارزول شوي دي.
یادي ارزونې د پوهنې په برخه کې نیمکړتیاوی، کاری نواقص او همدارنګه د پوهنې ولایتي رئیسانو د مثبتو کړنو د تشویق او تقدیر په مؤخه کیږي.
