د کابل ښار د پوهنې رئیس د یونیسف ادارې له مسئولينو سره وکتل
د کابل ښار د پوهنې د رئیس مولوي احسان الله خطاب او نورو مسئولينو د دوامداره هلو ځلو په پایله کې د یونیسف ادارې له خوا د کابل ښار ښوونځیو له (۱-۶) ټولګي پورې زده کوونکو ته قرطاسیه منظوره او په نږدې راتلونکي کې به ښوونځیو ته ورسول شي.
د یادې قرطاسیې په شفاف ډول ښوونځیو او زده کوونکو ته د توزیع په موخه د پوهنې رئیس د یونسیف ادارې له استازي سره په خپل کاري دفتر کې د همغږي غونډه وکړه٠
په پیل کې د یادې ادارې مسئولینو د توزیع د پروسی په اړه د کابل ښار پوهنې رئیس ته د اړینو معلوماتو ورکولو ترڅنګ له نوموړي څخه د قرطاسيې د توزيع په برخه کې د نظارت او همکاري غوښتنه وکړه او له خپل لوري یې هم ورته اطمینان ورکړ چې د یادې ادارې مسئولین او کارمندان به پدې برخه کې خپلې هلې ځلې نه سپموي. ورپسې ښاغلي خطاب د دوی له راتګ او همکاریو څخه د مننې تر څنګ پدې برخه کې د پوره همکاري وعده ورکړه.
