د کابل له پوهنې ریاست څخه خبرونه
د ماشوم ساتنې موسسې سیمه ییزو کارکوونکو او د موسهي ولسوالۍ د پوهنې آمر د یادې ادارې له خوا له مرستو شويو پنځو ښوونځیو د اوبو رسولو له سیستم څخه لیدنه وکړه. د پوهنې مسوولینو د دې ادارې له مرستو څخه خوښي څرګنده کړه.
د کابل پوهنې ریاست او د افغانستان د ماشومانو د ساتنې موسسې ګډ پلاوي د موسهي ولسوالۍ د ۶ بابه ښوونځیو د بیارغونې له کارونو څخه چې د یادې موسسې په مالي مرسته جوړیږي لیدنه وکړه او د قراردادي شرکت مسوولینو ته یې د کاري بهیر د ښه والي په موخه لازمې لارښوونې وکړې.
په چهارآسیاب ولسوالۍ کې د دارالقرآن له مدرسې څخه ۵۲ تنه د قرانکریم حافظان د یو لړ مراسمو په ترڅ کې فارغ شول.
په دې مراسمو کې د کابل د پوهنې ریاست مشرتابه، علماوو، استادانو او د زده کوونکو والدینو ګډون درلود.
ویناوالو فاضلانو ته د مبارکۍ ویلو ترڅنګ د علم او پوهې پر ارزښت ویناوې وکړې.
د یونیسف سیمه ییز دفتر او د کابل ولایت د پوهنې ریاست د څارنې ګډې ډلې د یونیسف او OCCD له خوا د موسهي ولسوالۍ د سیمه ییزو او چټکو زده کړو د ټولګیو د ښوونکو لپاره له جوړ شوي میتودیک سیمینار څخه څارنه وکړه.
په دې وروستیو کې قاري شوکت الله د قرباغ ولسوالۍ د باریکاب د منځني ښوونځي د مدیر په توګه وټاکل شو او رسماً یې دنده پیل کړه.
