د بلخ له پوهنې ریاست څخه د پوهنې د فعالیتونو لنډ خبرونه
په هغه لاريون کې چې په سويډن کې د قران کريم د سپکاوي په غبرګون کې ترسره شوې وه، د بلخ ولايت د پوهنې رياست ریس الحاج مولوي عبدالجليل شهیدخېل او ګڼ شمېر مشرانو او کارکوونکو برخه اخيستې وه او د خپلو خبرو په ترڅ کې يې دغه غير انساني عمل په کلکه وغانده. او په دې لاریون کې یې د ټولو مسلمانانو په یووالي ټینګار وکړ.
د مزارشريف ښار د پوهنې آمریت اداري غونډه د دغه ولايت د ښار د پوهنې د آمر مولوي محمد نعيم بلخي تر څارنې لاندې جوړه شوه او د اداري کارونو د چټکتيا او کاري پلانونو د پلي کولو په موخه يې کارکوونکو ته لازمې لارښوونې وشوې.
د ظرفیت لوړونې درې ورځنی سیمینار چې د بلخ، شولګره او چهاربولک ولسوالیو په امریتونو کې د اړوندو څانګو د مدیرانو لپاره جوړ شوی و، پای ته ورسېد.
د يادو ولسواليو د پوهنې مسوولينو له ګډونوالو وغوښتل، چې د سيمينار له محتوا څخه په خپلو رسمي دندو کې د لازمو اسانتياوو په برابرولو کې ګټه واخلي.
د خلم ولسوالۍ د پوهنې آمر قاري صبغت الله عکرمه د يادې ولسوالۍ د ښوونې او روزنې د وضعيت په اړه د يادې ولسوالۍ له مشرانو او د سيمه ييزو ادارو له مسوولينو سره وکتل او د يادې ولسوالۍ د زده کوونکو لپاره يې د زده کړو د اسانتياوو په رامنځته کولو او د خنډونو په لرې کولو کې د مرستو غوښتنه وکړه. چې ګډونوالو په دې برخه کې د هر ډول مرستو ژمنه وکړه.
