د بلخ له پوهنې ریاست څخه د یوې ورځې د فعالیتونو لنډ راپور
په بلخ ولایت کې د واک موسسې په مالي مرسته په دغه ولایت کې د ۱۵ بابه ښوونځیو او ۵ بابه دیني مدرسو لپاره به سولري او په واټرپمپونو سمبال اودس خوني او د اوبو څاګانې جوړې شي.
د يادو پروژو د پرانېستې په مراسمو کې د پوهنې، کليو او پراختيا، د اقتصاد رياستونو مشرتابه پلاوي او د بلخ د دولتي ادارو يو شمېر مسوولينو هم حضور درلود.
د بلخ ولايت د پوهنې رياست رهبري د دې رياست د آمرینو او کارکوونکو په ګډون د يوې غونډې په ترڅ کې د بلخ د پوهنې رياست د تعليمي څارنې ارشد غړي الحاج عزت الله عصمتي ته چې په دې وروستیو کې تقاعد شوی دی. د ده د څلوېښت کلن صادقانه کار او فعالیتونو له امله ستاينليک ورکړ او له کړو فعالیتونو یې ستاینه وکړه.
د بلخ ولايت د چمتال ولسوالۍ د پوهنې آمر او مديرانو د دغه آمریت پورې اړوندو ښوونځيو د ښوونکو لپاره په آسیاب شراف لېسه کې درې ورځنی روزنيز سيمينار جوړ کړ.
د دغه سیمینار په پرانیسته کې د چمتال ولسوالۍ د پوهنې آمر مولوي وحیدالله حماسي ښوونکي یې د ټولنې یوه ارزښتناکه برخه وبلله او له هغوی یې وغوښتل چې په دې ولسوالۍ کې د ښوونې او روزنې د ودې لپاره خپلې هڅې لا زیاتې کړي.
د بلخ د پوهنې ریاست د اسلامي زده کړو آمر مولوي عبدالصبور فرید او د پوهنې وزارت د دعوت او ارشاد د معینیت امام او مبلغ، د بلخ د پوهنې ریاست مسوولینو او کارکوونکو ته د فقهي درسونو د تدریس پر مهال. له درسي نصاب سره سم د نبي (عّ) د معراج او د اسرا سورې په باب یې په تفصیل سره خبرې وکړې.
د مارمل ولسوالۍ د پوهنې آمر مولوي حبیب الله حمیدي په حضور کې ګډونوالو ته د عقیدې د اصلاح او دیني موضوعاتو په اړه اسلامي درسونه ورکړل شول.
