په هیواد کې د اسلامي امارت د بریا په مناسبت د والیبال ورزشي سیالۍ

په افغانستان کې د بهرنیو ځواکونو د ماتې او د اسلامي امارت د بریا په مناسبت د کابل ولایت د څلورو ولسوالیو (بګرامي، شکردرې، چهاراسیاب او پغمان) د ښوونځیو د زده کوونکو د منتخبو ورزشي ټیمونو ترمنځ د والیبال سیالۍ د کابل د عایشه دراني لېسې په ورزشي جمنازیوم کې ترسره شوې.
په پاى کې د ټيمونو ترمنځ له لوبې وروسته د بګرامي ولسوالۍ د زده کوونکو ورزشي ټيم د ګټونکي په توګه وپيژندل شو.
د پوهنې وزارت د بدني روزنې ریاست د مسوولینو په وینا، د دغو سیالیو له ترسره کېدو څخه یې موخه د ټیم د غړو او د ښوونځیو د زده کوونکو ترمنځ همغږي رامنځ ته کول او د پوهنې ریاست لپاره د غوره څېرو پیژندل دي.
دا لوبي د غوره لوبډلو ته د ډالیو په ورکولو سره پای ته ورسیدې.