د هیواد د ټولو جهادي او خصوصي مدارسو او دارالایتامونو څلور نیم میاشتنۍ ازموینې پیل شوې
(شنبه،۱۴۴۴/۲/۱۳هـ.ق-۱۴۰۱/۶/۱۹هـ.ش)
د هیواد په ټولو ولایاتو کې د جهادي او خصوصي مدارسو او دارالایتامونو څلورنیم میاشتنۍ ازموینې نن ورځ شنبه دسنبلې دمیاشتې په نولسمه نېټه شروع شوې او د شپږو ورځو لپاره به د راتلونکې پنجشنبې تر ورځې پورې دوام ولري.
یادې ازموینې له غوره نظم او مدیریت څخه برخمنې دي. د پوهنې د ولایتي ریاستونو په تیره بیا د اسلامي تعلیماتو د آمریتونو مسئولین د ازموینو له صحنو څخه منظم نظارت کوي.
د یادونې وړ ده چې د یادو مدارسو او دارالایتامونو تعلیمي کال د کوچني اختر یا شوال المکرم په میاشت کې پیل شویدی. په داسې حال کې چې د دارالعلومونو او رسمي مدارسو تعلیمي کال د حمل یا وري د میاشتې په دریمه نېټه شروع کېږي.
