د پوهنې وزارت د مشرتابه شورا د نوي کال لومړۍ غونډه ترسره شوه
د پوهنې وزارت د مشرتابه شورا د نوي کال لومړۍ غونډه د یاد وزارت د سرپرست وزیر شیخ مولوي نورالله منیر په مشرۍ ترسره شوه.
په یاده غونډه کې چې د وزارت څلورتنه معینانو،سترسلاکار او د نشراتو رئیس برخه درلوده، د وزارت د مرکزي او ولایتي رئیسانو د تعلیمي اسنادو د ارزیابي، د ښوونځیو د شوراګانو د لایحې، تعلیمي مراکزو ته د وسلوالو کسانو د ننوتلو د مخنیوي په خاطر له امنیتي ارګانونو سره د مذاکراتو د ترسره کولو، د رفع تقاعد د وړاندېزونو په هکله د تصمیم نیولو او دې ته ورته نورو موضوعاتو په اړه تفصیلي بحثونه او پرېکړې وشوې.
