د لوګر د محمدآغې ولسوالۍ د ښوونکو له جوړ شوي سیمینار څخه څارنه وشوه
د لوګر د پوهنې ریاست تدريسي مرستيال مولوي عبيدالله هشام، د محمدآغې ولسوالۍ د ۴۸ ښوونځیو د ۱۵۰ ښوونکو له جوړ شوي روزنیز سیمینار څخه څارنه وکړه.
دا لس ورځنۍ سیمینار، د پوهنې ریاست په هلو ځلو ، د ساینس او ښوونیزې تکنالوژۍ مدیریت له خوا د محمدآغې د هلکانو په لېسه کې جوړ شوی، چې ښوونکو ته په کې د کیمیا، بیولوژي، فزیک، ساینس او ریاضي مضمونونو د تدریس او تجربو په اړه نوې روزنه ورکول کيږي.
د لوګر د پوهنې رياست تدريسي مرستيال مولوي عبيدالله هشام د يادې څارنې پر مهال ښوونکو ته لارښوونه وکړه،چې هره ورځ په دې جوړ شوي روزنيز سيمينار کې برخه واخلي.
هغه ښوونکي وهڅول،څو له دې اړينې روزنې ښه استفاده وکړي او هم د تدريس او تجربو په برخه کې خپلې شته ستونزې هوارې کړي.
له بل لوري د ياد جوړ شوي سیمینار برخه وال وايي،چې د دوى لپاره د ظرفیت لوړونې دا جوړ شوى سيمينار ډېر ګټور او اغيزمن تمام شوى دى.
