د لوګر د پوهنې رياست ته پنځه نوي مديران او يو مسلکي غړى معرفي شول
د لوګر ولایت د پوهنې ریاست لپاره پنځه نوي عمومي مدیران او يو مسلکي غړى معرفي او خپلې دندې يې په رسمي ډول پيل کړې.
د نوموړو کارکوونکو د معرفي کولو په غونډه کې د پوهنې رئیس مولوي جنت ګل عزیز، تدریسي مرستیال مولوي عبیدالله هشام، د مالي او اداري چارو مرستیال محمد عارف معاذ، د اسلامي زده کړو مرستیال صدیق الله عزيزي او د دغه ریاست کارکوونکو برخه اخیستې وه.
ياد نوي کارکوونکي د پوهنې وزارت د حکم له مخې په نوموړو دندو باندې د چارو د ښه والي په موخه ګومارل شوې دي.
په ټاکل شوېو کې،عبدالقاهر د داخلي پلټنې،مولوي امان الله د بشري سرچينو،عبدالکريم د مالي او اداري چارو، محمد رفيع د پلان او راپور ورکولو،حبيب نور د خديتوب او مصٶنيت عمومي مديران او عبدالواعظ د نتايجو او شهادتنامو مسلکي غړى شامل دي.
د لوګر د پوهنې رئيس مولوي جنت ګل عزيز له نوېو ټاکل شوېو کارکوونکو څخه غوښتنه وکړه، چې خپلې دندې په سمه توګه ترسره کړي او خلکو ته د ښه خدمت مصدر وګرځي.
