د پوهنې وزارت د مرکزي رئیسانو او نیز مجلس دائر شو
د پوهنې وزارت د غونډو په تالار کې د یاد وزارت د سرپرست وزیر شیخ القرآن و الحدیث الحاج مولوي نورالله (منیر) صاحب تر مشري لاندې د یاد وزارت د مرکزي رئیسانو مجلس دائر شو .
یاد مجلس چې د قرآن عظیم الشان د څو مبارکو آیاتونو په تلاوت سره پیل شو، د یاد وزارت په مرکزي رئیسانو برسیره معینانو هم پکې برخه درلوده او د ځینو مهمو موضوعاتو په اړه پکې مفصل بحثونه او پرېکړې وشوې .
په یاد مجلس کې د پوهنې وزارت د نشراتو او عامه اړیکو د ریاست د رئیس مولوي عزیزاحمد (ریان ) تر مشري لاندې یو پنځه کسیز هیئت وټاکل شو، ترڅو د پوهنې وزارت د اړوندو مطبعو بشپړه هیئتي وکړي، دکارکوونکو وړاندیزونه ، ستونزې او مشکلات دې واوري او د خپلې هیئتي بشپړ راپور دې د وزارت له مقام سره شریک کړي.
دوهمه پرېکړه دا وشوه، چې د هیواد د دیني مدارسو، دارالحفاظونو او دارالایتامونو د تمویل او اکمال لپاره دې د اسلامي امارت مشرتابه ته د ځانګړې بودیجې وړاندېز وشي. همدارنګه د ځینو نورو مهمو مسایلو په اړه هم پرېکړې ترسره شوې .
غونډه د دعائیې په لوستلو سره پای ته ورسیده .
