په کنړ ولایت کې د دولسم ټولګي د زده کوونکو د فراغت مراسم تر سره شول
د اسمار ولسوالۍ د پوهنې امریت اړوند د هلکانو د لېسې کلنۍ ازموینې د پایلو ترڅنګ د دولسم ټولګیو د زده کوونکو د فارغت په ویاړ غونډه جوړه شوې وه.
په یاده غونډه کې د پوهنې رییس محب الله حیدري، د ریاست د څارنې امر جاوید جواد، داسمار د پوهنې او د څارنې امرینو ترڅنګ پکې ګڼو قومي مشرانو، ښوونکو او زده کوونکو برخه اخیستې وه.
د پوهنې رییس محب الله حیدري د دولسم ټولګیو څخه فارغ شوو زده کوونکو او د هغوی کورنېو ته د دغه ویاړ مبارکي ورکړه او هغه زیاته کړه چې دغه تعلیم ستاسې لپاره بسنه نه کوي تاسو کوښښ وکړئ، چې د کانکور په ازموینه کې ښې نمرې ترلاسه کړي، تر څو د خپلو خوښو پوهنځیو ته لاره پیدا کړي.
محب الله حیدری زده کوونکو ته وویل: چې هېواد مو با استعداده او پوه ځوانانو ته اړتيا لري او له تاسو څخه غوښتنه کوم چې د عصري علومو ترڅنګ اسلامي زده کړو ته هم جدي پاملرنه وکړئ.
په پای کې د پوهنې ریاست رهبری شته ستونزو ته په اشاره وویل: د اسلامی امارت د پوهنې وزارت رهبری هوډ لری چې شته ستونزو ته د حل لازمې لاری چاري برابری کړي.
