د ډاډګيرنې پيغام
په خورا خواشينۍ مو خبر ترلاسه کړ، چې د هيواد پياوړې ښوونکې آغلې پروين عظيمي د ورپيښې ناروغۍ له امله روح حق ته وسپاره.
إِنَّا لِلّهِ وَإِنَّـا إِلَيْهِ رَاجِعونَ
ميرمن عظيمي د دري ادبياتو څانګه کې ماسټري کړې وه، او د امريکا متحده ايالاتو کې يې د اشاره يي او درمانې ژبې برخه کې څلور کلنه زدهکړيزه دوره پاى ته رسولې وه.
نوموړې د افغانستان د معارف کورنۍ ريښتينې خدمتګاره وه، چې د کتابونو د تاليف برخه کې يې خورا اغيز ناک رول درلوده، د آغلې پروين له خورا ډيرو خدمتونو څخه يو هم د کڼو او له دماغي پلوه وروسته پاتې ماشومانو ته د ښوونځي جوړول وول.
د پوهنې وزارت مشرتابه، د ميرمن عظيمي مړينه د پوهنې کورنۍ ته يوه ستر ضايعه ګڼي، کورنۍ ته يې د زړه له تله تسليت وړاندې کوي او نوموړې ته د خداى پاک له درباره د فردوس جنت غوښتنه کوي.
