قرغیو ولسوالۍ کې یو نوی ښوونځی جوړېږي
پوهنې وزارت، لغمان: د لغمان ولایت قرغیو ولسوالۍ کې د الحاج میرزا محمد صافي لومړني ښوونځي بنسټ ډبره د نوموړي ولایت د پوهنې رئیس عبدالله حمیدی، د سیمه ییزې ادارې چارواکو، قومي مشرانو، ښوونکو او زده کوونکو په شتون کې کیښودل شوه.
یاده ودانۍ په پاخه او اساسي ډول په ۲ جریبه ځمکه کې د یوه قومي مشر او روښان پوهنتون موسس الحاج میرزا محمد صافي په مالي مرسته د (۶۰۰) زره امریکایي ډالرو په لګښت، څلورو پوړونو کې جوړیږي، چې ۸ ټولګي، لمریز بریښنایي سیستم، د څښاک اوبو څاه، څوکۍ ، میزونه او نورې اړینې ښوونیزې آسانتیاوې به ولري.
په پای کې د پوهنې رئیس د صافي صاحب له مرستو او د سیمه ییزو قومي مشرانو له هلو ځلو مننه او ستاینه وکړه.
