دسر پل پوهنې ریاست د ۱۳۹۹ مالي کال دکړنو راپور خلکو ته وړاندې کړ
د پوهنې وزارت، سرپل: دسرپل د پوهنې رئیس احمد بیګزاده ( ملت ته د دولت د حساب ورکولو) په غونډه کې د یاد ولایت د پوهنې ریاست د تېر ۱۳۹۹ مالي کال د کړنو په اړه خلکو ته د رسنیو په وړاندې راپور ورکړ.
په یاده غونډه کې د سرپل والي قربانمراد مراد، د دولتي ادارو رئيسانو، قومي مشرانو، دینې علماوو، ځوانانو، د مدني ټولنو غړو او درسنیو استازوګډون درلود.
د غونډې په پیل کې ، د سرپل والي، قربانمراد مراد دیاد ولایت د ۱۳۹۹ مالي کال د لاسته راوړنواو فعالیتونو یادونه وکړه او ټینګار یې وکړ چې ملت ته د دولت حساب ورکول د دیمو کراسي او ښې حکومتولۍ له اساسي لومړیتوبونو څخه دې او هر وګړي حق لري چې د حکومت څخه د بیلا بیلو ملي اوسیاسي مسلو کې د رونتیا غوښتنه وکړي .
وروسته د سرپل د پوهنې رئيس د یادې غونډې برخه والو ته د تېر مالي کال په لاسته راوړنو، ستونزو او راتلونکو پلانونو مفصلې خبرې وکړې.
هغه وویل، چې په یاد کال کې د پوهنې سکتور د ښه والي، ودې او شته ستونزو د هواري په موخه ښه پلانونه او پروګرامونه پلې شوي دي.
د پوهنې رئیس د حساب ورکونې پر مهال خلکو ته ډاډ ورکړ، چې د پوهنې سکتور د لا ودې او پرمختګ لپاره به عملي ګامونه پورته کړو.
د راپور په پای کې، پوهنې رئیس د خلکو او سیمه ییزو چارواکو څخه په معارف کې د شته ستونزو د حل په موخه د همکارۍ غوښتنه وکړه .
