دکابل ښار د رابعه بلخي د نجونو په لېسه کې د کمپیوټر خونه پرانیستل شو
دپوهنې وزارت، کابل: د کابل ښار د رابعه بلخي د نجونو په عالي لیسه کې د کمپیوټر خونه د کابل ښار د پوهنې رئیس ډاکتر احمد ضمیر ګوارا لخوا په داسي حال کې چې د نوموړي لیسې ښوونکو او زده کوونکو ګډون درلود پرانیستل شوه.
ذکر شوی کمپیوټر ټولګی د مرحومي کامله ذکا چې دیادې لیسې اداري شورا غړي وه د کورنۍ په مالي مرسته د زده کوونکو د کمپیوټر مضمون د عملي زده کړو په موخه جوړه شوي .
د کابل ښار د پوهنې رئیس ډاکټر احمد ضمیر ګوارا د رابعه بلخي عالي لیسې کې د کمپیوټر ټولګي په تجهیز کې د یادې شوي مرستې څخه مننه وکړه او د زده کونکو څخه یې وغوښتل د چې له یادو وسایلو او تجهیزاتو څخه په عملي زده کړو کې اعظمي ګټه واخلي او ساتنې او مراقبت ته یې هم جدي پاملرنه وکړي.
ډاکټر ګوارا څرګنده کړه چې: د یادې شوې خونې لپاره د ۶ زره ۹۴۸ امریکایی ډالرو په ارزښت ۴۲ کمپیوټرونه، ۴۰ پایي څوکۍ، یو تلویزیون، یو پرنتر او نور اړین تجهیزات چمتو شوي چې نن ورڅ رسمآ پرانیستل شو .
