د کاپیسا د پوهنې ریاست د ۱۳۹۹ کال کاري راپور وړاندې کړ
د پوهنې وزارت، کاپیسا: د کاپیسا ولایت د پوهنې رییس عبدالعلیم عیار "ملت ته د دولت د حساب ورکولو" تر عنوان لاندې یوه مطبوعاتي ناسته کې چې د کاپیسا ولایت والي عبدالطیف مراد، مرستیال واليانو ، رییسانو او د ولایتي شورا غړو، د دولتي ادارو رییسانو ، مدني ټولنو او رسنیو ګډون درلود د ۱۳۹۹ کار کاري راپور وړاندې کړ.
په یاده غونډه کې د کاپیسا د پوهنې رئیس عبدالعلیم عیار خپلې دندې، لاسته راوړنې او پلانونه څرګند کړل او وي ویل، چې د فساد پروړاندې مبارزه د هغه له لومړیتوبونو څخه ده.
ښاغلي عیار زیاته کړه: "سږکال، د پنځو ښوونځیو د ودانیو کار بشپړ او ګټې اخیستنې ته وړانډې شوي ، او همدارنګه به په نوي کال کې د ۲۰ بابو ښوونځیو نوې ودانۍ هم جوړي شي.
د پوهنې رییس د ټیکنالوژۍ کارول د اوسني عصر یوه اړتیا وبلل او زیاته یې کړه: "سږکال په کاپیسا کې ۲۰ ښوونځي د کمپیوټر په ټولګیو مجهز شوي او ۵۵ تنه ښوونکي د کانکور له آزموینې وروسته نوي په ډندوګمارل شوي.
همدارنګه هغه د تعلیمي خدماتو وړاندې کولو او درسي موادو چمتو کولو کې د خپل راتلونکي پلانونو په اړه وویل: "د ثانوي زده کړې لپاره ۳۶ ملیونه درسي کتابونه به ولایتونو ته واستول شي، او راتلونکی کال به د درسي کتابونو او تورو تختو پرته هیڅ ښوونځی شتون ونلري.
