د دایکندي ولایت د اشترلي او ناوه میش ولسوالیو د پوهنې آمرین معرفي شول
د پوهنې وزارت، ډایکندي: د ښوونې او روزنې وضعیت او د اغیزمن سیستم د ښه والي د را مینځ کولو په موخه، عبدالخليل بیګزاد د اشترلي ولسوالۍ د پوهنې آمر او شریف اعتمادی د ناوه میش ولسوالۍ د پوهنې د آمر په ټوګه د ډایکندي ولایت پوهنې ریاست د استازي حیدر رباني لخوا د ځایی چارواکو په شتون کې رسمآ معرفي شول.
په هغه غونډه کې چې په همدې موخه جوړه شوي وه د ناوه میش او اشترلي سیمه ایز حکومتي چارواکو او مشرانو په یادو ولسوالیو کې د پوهنې د بهیر څخه خوښي څرګنده کړه او ژمنه یې وکړه چې د پوهنې د وضعیت د لا ښه والي په خاطر به له نويو آمرینو سره همکارۍ کوي.
د ډایکندي د پوهنې ریاست استازي د پوهنې په برخه کې د دې ولایت د اوسیدونکو له بې ساري ملاتړ څخه مننه وکړه او زیاته یې کړه چې موږ هیله لرو نوي آمران د خپلو اړوندو ولسوالیو د ښوونځیو د ملاتړ شورا سره په همغږۍ د پوهنې د ودې لپاره جدي کار وکړي .
د یادونې وړ ده چې عبدالخليل بیګزاد تر دې مخکې د سنګ تخت و بندر ولسوالۍ د پوهنې د څارنې آمر او شریف اعتمادي د ناوه میش ولسوالۍ د څارنې آمر په ټوګه دنده تر سره کړې.
