په ننګرهارکې د دریو ښوونځیو د احاطې دیوالونه تر جوړیدو وروسته ګټې اخیستنې ته وسپارل شوه
د پوهنې وزارت، ننګرهار: دننګرهار ولایت د سره رود ولسوالۍ د بالاباغ دنجونو ښوونځي، دسیدان فولادي ښوونځي او د مرکزي شمشپور ښوونځیو داحاطې دیوالونه او تشنابونه تر جوړیدو وروسته ګټې اخیستنې ته وسپارل شول.
د یادو ښوونځیو د احاطې دیوالونو او تشنابونو د کلیو پراختیا او بیا رغاونې ریاست د اقرا برنامې له لارې د ۳ میلیونو او ۲۹۰ زره افغانیو په لګښت جوړ شویدې، چې د احاطې ددې دیوالونو او تشنابونو په جوړیدوسره دیادو ښوونځیو زده کوونکو ته خوندي درسي چاپیریال برابر شو.
دننګرهار د پوهنې رییس حسیب الله شینواري دیادو سیمو له ولسي شوراګانو نه مننه وکړه چې په سمه توګه یې ددغو چارو څارنه کړې ده . هغه په ښوونیز بهیر کې ولسي ونډه مهمه وبلله او دیادو سیمو له مشرانو نه یی هیله وکړه چې په دې برخه کې خپله همکاري ونه سپموي.
