په لوګرکې د لیک لوست د زده کړې ښځینه ښوونکې ګمارل کېږي
د پوهنې وزارت، لوګر: د لوګر په مرکز پل علم کې د لیک لوست د زده کړې د ۵ ښځینه ښوونکو د ګمارنې په موخه د موظفې کمیټې لخوا آزموینه واخیستل شوه.
په یاده آزموینه کې ۴۰ میرمنو برخه اخیستې وه، چې له ډلې به یې ۵ تنه د لیک لوست د قرار دادي ښوونکو په توګه وګمارل شي.
د نوموړو ښوونکو په ګمارنې سره به د ۵ کلیو شاوخوا ۱۰۰ نالوستو میرمنو ته د لیک لوست ویلو زمینه برابره شي.
یاد ښوونکي د BESAF موسسې له خوا د راتلونکو نهو میاشتو لپاره نالوستو ته د لیک لوست کورسونو جوړولو په موخه مقرریږي.
د یادونې وړده، چې له دې مخکې هم په خوښۍ او محمدآغې ولسوالیو کې د لیک لوست زده کړې د لسو ښوونکو د ګمارنې لپاره ورته ازموینه اخیستل شوې ده.
