د لغمان د عالي دارالعلوم سره ۱۸۰ جلده کابلي تفسیرونو مرسته وشوه
د پوهنې وزارت، لغمان: د لغمان ولایت د حج او اوقافو ریاست لخوا د ۱۸۰ جلده کابلي تفسیرونه د یاد ولایت د عالي دارالعلوم د نارینه او ښځینه زده کونکو د کارونې په موخه ورکړل شوې.
د لغمان ولایت د حج او اوقافو رییس سید نجیب الله هاشمي د پوهنې ریاست ته د یاد شويو تفسیرونو د ورکړې پرمهال هیله څرګنده کړه چې زده کونکي به د مرسته شویو تفسیرونو نه ګټه واخلي او د زده کوونکو نه یې وغو ښتل چې د تفسیرونو په ساتنه کې جدي پاملرنه وکړي.
همدارنګه د پوهنې ریاست د اسلامي زده کړو آمر مولوي حیات الله حیات فرقاني د اسلامي اثارو مطالعه د زده کونکو د پوهې د کچې په لوړولو کې اغیزمن او ګټور وبلل او د حج او اوقافو له ریاست څخه یې مننه وکړه.
د غونډې په پاي کې، د حج او اوقافو، پوهنې ریاست او قومي مشرانو لخوا یاد شوي تفسیرونه او روغتیا یي کڅوړې محصلینو ته وویشل شوې.
