په لوګر کې د کوچي ماشومانو لپاره یو نوی ځانګړی ښوونځۍ تاسیس شو
د پوهنې وزارت، لوګر: د لوګر مرکز اړوند د صدیق خیلو په کلي کې د کوچي ماشومانو لپاره د الحاج میر علم خان صدیق خیل په نوم یو نوی لومړنۍ ښوونځۍ تاسیس شو.
دغه ښوونځۍ په یاده سیمه کې د شته مېشتو کوچیانو د پرله پسې غوښتنو له مخې د پوهنې وزارت تر منظورۍ وروسته فعال شو.
د نوموړي ښوونځي په تاسیس سره به په راتلونکي ۱۴۰۰ ښوونیز کال کې نژدې ۳۰۰ کوچي ماشومانو ته د زده کړو ویلو زمینه برابره شي.
د لوګر د پوهنې رئیس سید عزیز احمد هاشمي د یاد ښوونځي په تاسیس کېدو خوښي څرګندوي او د صدیق خیلو کلي له اوسېدونکوغوښتنه کوي، چې په راتلونکي نوي ښوونیز کال کې خپل ماشومان په دغه ښوونځي کې شامل کړي.
په لوګر کې دا مهال د کوچي ماشومانو لپاره د یوې دیني مدرسې په ګډون ۱۷ ځانګړي ښوونځي شتون لري، چې له ۲ زرو ډېر کوچي ماشومان په کې زده کړې کوي.
د یادونې وړده، چې د روان ۱۳۹۹ ښوونیز کال له پیله تر اوسه په لوګر کې د نجونو او هلکانو ۵ نور ښوونځي هم تاسیس شوي دي.
