په پکتیا کې د يو ښوونځي نوې ودانۍ پرانېستل شوه
د پوهنې وزارت، پکتیا: د پکتیا ولایت د احمدآبا ولسوالۍ د رامک کلا منځني ښوونځي ودانۍ د شاوخوا ۱۷ میلیونه افغانیو په لګښت ګټې اخستنې ته وسپارل شوه.
د پکتیا د پوهنې رئیس استاد کوچي ځاځي په وینا یاده ودانۍ په پاخه او اساسي ډول د پوهنې وزارت پراختیایي بودیجې له لورې په یو پوړ کې جوړ ه شوي، چې ۸ درسي ټولګي، ۲ اداري خونې، کمپیوټر لب، د احاطې دیوال، د زده کوونکو لپاره میز او څوکۍ، د پاکو اوبو ځاه او نورې اړینې اسانتیاوي شامل دي.
د یادولو وړ ده چې؛ سږ کال نه یواځې ګڼ شمیر ښوونځي ترمیم بلکې د یو شمیر زیاتو ښوونځيو جوړولو چارې دوام لري چې، ځینې یي ګټې اخستنې ته هم سپارل شوي دي. د ځينو بودیجه د ښار جوړونې وزارت او د ځينو بیا د پوهنې وزارت له لوري ورکول کیږي.
