پکتیا کې د یو ښوونځي د جوړېدو چارې پیل شوې
د پوهنې وزارت_پکتیا: د پکتیا ولایت د ځمکنیو ولسوالۍ د بهرام خیلو لومړي ښوونځي د ودانۍ بنسټ ډبره د نوموړي ولایت د پوهنې ریاست او ښار جوړولو او ځمکو وزارت د مسوولینو لخوا کېښودل شوه.
په یادو مراسمو کې ولسواال زیتون ګل منګل په خپلو خبرو کې د سېمې د آبادی، سمسورتیا او بېارغونې په برخه کې د ښار جوړولو او ځمکو وزارت کړنې وستايلې. او د دې تر څنګ يې د سېمې له خلکو د امنیت خوندیتوب او دولت سره د پروژو پلې کولو په برخه کې د همکارۍ غوښتنه وکړه.
د یاد ښوونځي ودانۍ په پاخه او اساسي ډول په یو پوړ کې د ۱۵ میاشتو په موده کې دشاوخوا ۲۰ میلونو افغانیو په لګښت د ښار جوړولو او ځمکو وزارت لخوا جوړیزي، چي د ۶ درسي خونو سربېره کمپوټر لب، کتابتون، اداري خونه، د ساتونکو خونه، د برېښنا او اوبو مجهز سیستمونه او احاطی دېوال هم پکې شامل دي.
د یادولو وړ ده، چې د ښوونځي د نوې ودانۍ له جوړېدو او پرانېستو سره به د یادې سیمې سلګونو نجونو او هلکانو زده کوونکو ته د زده کړو خوندي درسي چاپېریال برابر شي.
