د پوهنې وزارت خبرتیا!
د پوهنې وزارت_کابل: د پوهنې وزارت د پریکړې له مخې، هغه خصوصي ښوونځي چې د قرنطین مودې په جریان کې د زده کونکو د والدینو په رضایت سره تعلیمي خدمات وړاندې کړي، کولی شي د فیس غوښتنه وکړي.
هغه خصوصي ښوونځي چې د قرنطین مودې په جریان کې یي تعلیمي خدمات ندي وړاندې کړي په هیڅ ډول د فیس اخیستلو حق نلري.
هغه خصوصي تعلیمي مرکزونه چې د لرې واټن زده کړې یي په لاره نه دي اچولي او د زده کونکو څخه د قرنطین مودې د فیس غوښتنه کوي قانوني او جدي چلند به ورسره وشي.
د پوهنې وزارت د هیوادوالو څخه غوښتنه کوي چې د ورته قضیو په صورت کې د پوهنې وزارت د شکایتونو څانګې او د پوهنې وزارت خصوصي ښوونځیو ریاست ته خبر ورکړي.
