د زابل پوهنې ریاست د کارکوونکو له لوري د پاکواي حشر ترسره شو
د پوهنې وزارت_زابل: د زابل د پوهنې رياست مشر تابه او کارکوونکو په ګډه د رياست، دفترونه او احاطه پاکه کړه.
د پوهنې محترم وزارت په لارښوونه او تر دې شعار لاندې چې خپل دفتر او رياست زموږ دويم کور دی د پوهنې رییس په شمول په ګډه سره د رياست ټولې برخې جارو او پاکې کړې ترڅو و ښيي چې د خپل ورځني مسوليت سره سره خپل دفتر د کور په شان پاک ساتي .
د پوهنې ریاست ټولو کارکوونکو په ګډه وويل چې تر دې وړاندې او راتلوونکي کې يې دا مسؤليت دی ترڅو د خپل رياست چاپيريال دفترونه پاک وساتي.
