په پکتیکا ولایت کې د دوه بابه ښوونځيو نوې ودانۍ ګټې اخیستنې ته و سپارل شوې
د پوهنې وزارت_پکتیکا: د پکتیکا ولایت د برمل سرحدي ولسوالۍ د محمودیه او نو آباد لومړنيو ښوونځيو نوې ودانۍ د یو لړ مراسمو په ترځ کې ګټې اخیستنې ته وسپارل شوې.
په هغه مراسمو کې چې په همدې موخه جوړ شوي وه، د پکتیکا والي ډاکټر مجیب الرحمن څمکنی، د پوهنې ریاست رئیس انجنیر محراب الدین شفق، د دولتي ادارو یو شمیر مسوولینو، د سیمي مشرانو ښوونکو او زده کوونکو برخه لرله.
د پکتیکا والي د نویو ودانیو د پرانېستلو له امله ښوونکو، زده کوونکو او د سیمې اوسېدونکو ته مبارکي وویله زیاته یی کړه، چې دیادو ښوونځیو ودانۍ په پاخه او اساسي ډول د لس میلیونه افغانیو په مجموعي لګښت د افغانستان د ملي بودجې ځخه جوړي شوې ، چې هره ودانۍ ۶ درسي خوني، احاطوي دیوال عصري تشنابونه، میز او چوکۍ د څښاک اوبه نورې اړوندې ښوونیزې آسانتیاوې لري.
همدارنګه د پوهنې رییس انجینر محراب الدین شفق د یادو ودانېو په پرانېست غونډه کې د ښوونځيو له ښوونکو، زده کوونکو او د سیمې له اوسېدونکو وغوښتل، چې د ودانیو ساتنې ته ځانګړې پاملرنه وکړي.
د پوهنې رییس زیاته کړه: چې د دې ښوونځي په جوړیدو سره به د شاوخوا کلیو ماشومان په ښه توګه وکولای شي د لته په محفوظ چاپیریال کې زده کړې وکړي، له نیکه مرغه موږ دا مهال د پوهنې په برخه کې د مرکز په ګډون په ولسوالیو کې هم د ښوونځیو رغنیزې پروژې تر لاس لاندې لرو او کار يې ادامه لري.
د سیمې اوسېدونکو او زده کوونکو د ښوونځي د نوې ودانۍ له پرانېستو خوښي وښوده او ژمنه یې وکړه، چې ساتلو او مراقبت ته به یې جدي پاملرنه کوي.
د یادونې وړ ده، چې روان کال له پیل نه د پکتیکا ولایت په مرکز او ولسوالیو کې د زیات شمېر ښوونځیو ودانۍ ګټې اخیستنې ته سپارل شوې او د زیاتو يې د بنسټ ډبرې کېښودل شوېدې.
