د هلمند په ناوې ولسوالۍ کي د زینب خټون په نوم نوې ښوونځۍ پرانستل شوه
د پوهنې وزارت_هلمند: د پوهنې وزارت په منظورۍ د هلمند پوهنې ریاست له لوري د ناوې ولسوالۍ په خرابه سیمه کي د انجونو د زده کړي لپاره نوې ابتدایه ښوونځۍ د پوهنې د رئیس په ګډون د سیمي اوسیدونکو او یو شمیر ښوونکو له لوري پرانستل شوه.
د هلمند پوهنې رئیس محمد داؤد شاه صفاري وایي په لومړي ځل وتوانیدو چي ناوې ولسوالۍ کي د انجونو د زده کړي لپاره ښوونځۍ پرانیزو.
ښاغلي صفاري د سیمي د مشرانو غوښتنه وکړه چي د هلکانو تر څنګ د انجونو پر زده کړو ټینګار وکړي او تر څنګ یې د سیمي اوسیدونکو ته د انجونو پر هڅونه عامه پوهاوی ورکړي.
د زینب خټون ښوونځۍ چي نوې پرانستل شوې ده زده کوونکو ته یې د هلمند پوهنې ریاست رهبرۍ له لوري قرطاسیه او بستې ورکول سوې.
د یادوني وړ ده چي په ناوې ولسوالۍ کي د هلمند پوهنې ریاست له لوري د لومړي ځل لپاره د انجونو د زده کړي لپاره ښوونځۍ پرانستل کیږي.
