پوهنې وزیر د ننګرهار ولایت له یو شمیر ځوانانو سره وکتل
پوهنې وزارت- کابل: پوهنې وزیر ډاکتر محمدمیرویس بلخي د ننګرهار ولایت له یو شمیر ځوانانو سره لیدنه او خبرې اترې وکړې.
دا لیدنه چې د پوهنې وزارت په کوربتوب ترسره شوه، د ننګرهار ولایت ځوانانو د یاد ولایت د ښوونې او روزنې ستونزې د پوهنې وزیر ډاکتر بلخي سره شریکې او د یادو ستونزو د حل او څار غوښتونکي شول.
د پوهنې وزارت مشرتابه د ننګرهار د ښوونې او روزنې د شته ستونزو له اوریدو وروسته ژمنه ورکړه چې د یادو ستونزو د حل او څار لپاره به جدې کړنې تر سره کړي.
د دې لیدنې په پاي کې د ننګرهار څخه راغلو ځوانانو په افغانستان کې د ښوونې او روزنې د حالت له ښه والي څخه یادونه وکړه او د پوهنې وزیر غوره کړنې یې وستایلي.
