کندهار کې د یو ښوونځي د جوړېدو چارې پیل شوې
د پوهنې وزارت_کندهار: د کندهار ولایت د ژړۍ ولسوالۍ دشیر محمد هوتک لیسې د نوي ودانۍ بنسټ ډبره دنوموړي ولایت د پوهنې د رییس پوهنیار محب احمد روښان لخوا او یو شمېر نورو چارواکو په ګډون کېښودل شوه.
د یاد ښوونځي ودانۍ ، په پاخه او اساسي ډول د دوه جریبه څمکي په ساحه کې چي د سیمې دخلکو لخوا معارف ته ډالۍ شوي، په یو پوړ کې د ۷ میلیونو او ۳۱۰ زره افغانیو په لګښت د اقرا برنامی لخوا جوړيږي، چې۱۲ درسي ټولګي،۲ اداري خونې، داحاطي دیوار او نورې اړوندې ټولې ښوونیزې آسانتیاوې به ولري. چې د نوې ودانۍ له جوړېدو او پرانېستو سره به د یادې سیمې زده کوونکو ته د زده کړو خوندي درسي چاپېریال برابر شي.
په یادو مراسمو کي د پوهني رئیس پوهنیار محب احمد روښان د یادي ولسوالۍ د ولسوال او قومي مشرانو څخه مننه وکړل چي د یاد تعمیر د پاره یې ځمکه په واک کي ورکړل
ښاغلي روښان د سیمې مشرانو وغوښتل، چې د ښوونیزو مرکزونو ساتلو ته ځانګړې پاملرنه وکړي او د یوې ښې راتلونکې په موخه خپل ماشومان ښوونځيو ته واستوي.
د یاده ولو وړ ده ، چې د اقرا برنامي لخوا په کندهار ولایت کې (۱۰۴) بابو ښوونځیو ته نوې ودانۍ جوړیږي، چې د دې جملې نه يی ۸ بابه یې د ژړۍ په ولسوالۍ کې جوړیږي .
