په خوست کې د شپز غوره ښوونځیو آمران وستایل شول
پوهنې وزارت_خوست: د جمهوري ریاست د چارو د لوي ادارې له لوري خوست کې شپږ غوره ښوونځي وستایل شول
په همدې مناسبت د خوست پوهنې ریاست د غونډو په تالار کې په جوړ شویو مراسمو کې پوهنې رئیس نصیراحمد روښان وویل، چې ډېر خوښ دی چې په معارف کې د مکافاتو او مجازاتو اصل پلي کېږي ده زیاته کړه دا شپږ خصوصي او دولتي ښوونځي د نهو پوهنیزو معیارونو پراساس چې دغه مکاتب ورته رسېدلې دي، د جمهوري ریاست د چارو د ادارې له لوري تقدیر کېږي. چې له دغې جملې څخه نن د الفتح، څړبن او او د نوراقرا لېسې ستایل کېږي.
پوهنې رئیس ژمنه وکړه چې دا لړۍ به جریان پیدا کوي ټول د ښوونځیو هغه امرین او ښوونکي چې خپلې دندې یې په سم ډول سرته رسولې دي د پوهنې ریاست له لوري به تقدیر شي.
د تقدیر شویو ښوونځیو د امرینو په استازیتوب د څړبن لېسې مدیر شیرنواز درنښت خبرې وکړې، ده په خپلو خبرو کې وویل، د سیمې د خلکو ، د زده کوونکو والدینو او د ښوونکو دوامداره همکاریو له وجې نن دغه لېسه په غوره ښوونځیو کې حسابیږي، ژمنه یې وکړه چې هڅه به کوي تر دې هم خپل خدمات بهتره کوي.
د ولسونو په استازیتوب، نومتو لیکوال ګل شریف هڅاند خبرې وکړې ده په خپلو برخو کې د خوست په معارف کې وروستي پرمختګونه وستایل او زیاته یې کړه(( ما د خوست معارف د تاریخ کتاب لیکلی دی، تر بل وخت معارف اوس په هره برخه کې د پرمختګ په حال کې دی.
د مراسمو په وروستۍ برخه غوره شویو ښوونځیو ته ستاینلیکونه ورکړل شول. د یادونې وړ ده چې د ټول هېواد په کچه د سلو غوره ښوونځیو څخه شپږ یې په خوست ولایت کې ستایل کېږي، چې له جملې یې نن درې ښوونځي نن وستایل شول او پاتې نورو ته به دغه ستاینلیکونه په خپلو ښوونځیو کې د ځانګړې مراسمو په ترڅ کې ورکړل شي.
