کندهار کي د لسم، یولسم او دولسم ټولګیو کلنۍ ازمویني پیل شوې
د پوهنې وزارت_کندهار: د کرونا وبا د ناروغۍ له کبله د اوږدې رخصتۍ وروسته د ۱۳۹۸ - ۱۳۹۹ تعلیمي کال د لسم, یولسم او دولسم ټولګیو کلنۍ ازمویني پیل شوي.
د یادو ازموینو څخه د څار په موخه د کندهار د پوهني رییس پوهنیار محب احمد روښان په داسي حال کي چي د ښاري ښوونځيو امر مهاجرالله همراز او د ښاري ښوونځيو د نظارت آمر صدیق الله صداقت ورسره ملتیا کول لیدنه وکړه.
د لیدني پر مهال ښاغلي روښان د دولسم ټولګۍ د فارغه کیدونکو زده کوونکو څخه وغوښتل ترڅو لوړو زده کړو ته مخه کړي ترڅو له یو اړخه زده کړي بشپړه کړي له بل اړخه ټولني ته د خدمت مصدر وګرځي دغه راز یې د ښوونځيو آمرینو ته لارښوونه وکړه ترڅو د آزموینو رڼوالي ته خاصه پاملرنه وکړي .
