کندهار ولایت کې د یو مېلیون افغانیو په لګښت د یوې دیني مدرسې نوې ودانۍ پرانیستل شوه
د کندهار ولایت دامان ولسوالۍ اړوند په میانجه جکان کلي کې یو باب دیني مدرسه، چې د یو تن علم پرور شخصیت حاجي معراج لخوا د یو مېلیون افغانیو په لګښت جوړه شوې، اوسمهال د پوهنې منسوبینو، امنیتي چارواکو، د امربالمعروف او نهی عن المنکر وزارت مسئولینو په حضور کې پرانیستل شوه.
د یادونې وړ ده، چې د پورته ذکر شوې مدرسې ودانۍ یو محراب جومات، ۳ درسي خونې، احاطوي دېوال، د څښاک پاکو اوبو څاه او نور اړین ملحقات لري.
د پوهنې وزارت مشرتابه د پوهنې نظام څخه د خلکو له ملاتړ ستاینه کوي او د تعلیمي مرکزونو له مسئولینو او منسوبینو څخه غواړي چې د ښوونیزو او روزنیزو سرچینو په ساتلو او په سالمه توګه کارولو کې جدي هلې ځلې وکړئ.
