کاپیسا ولایت کې د سامع آزموینې اخیستلو بهیر پیل شو
د پوهنې وزارت، کاپیسا: په کاپیسا ولایت کې د سامع آزموینې اخیستلو بهیر د نوموړي ولایت د پوهنې رئیس عبدالعلیم، د کوهستان د دویمې حصې د ولسوالۍ، ولسوال مبارک شاه شهرام، د پوهنې ریاست د نظارت امر او یو شمیر چارواکو په ګډون سره پیل شو.
یاده آزموینه په دوو تعلیمي مرکزونو کې د څه باندې زرو تنو نجونو او هلکانو څخه د دوو ورځو په موده کې اخیستل کیږي.
د کاپیسا د پوهنې رئیس عبدالعلیم عیار د یاد بهیر د څارنې پرمهال د ازموینې له ګډونوالو وغوښتل څو د آزموینې نظم په پام کې ونیسي او خپلې وړتیاوې وښیي.
ښاغلي عیار وویل: سامع آزموینه د هغو کسانو لپاره د زده کړو یو ښه فرصت دی کوم، چې د بیلابیلو دلایلو له امله له زده کړو بې برخې شوي همداراز نوموړي د آزموینې ګډونوالو ته د یاد بهیر د روڼتیا پوره ډاډ ورکړ.
