پکتیا کې د یو ښوونځي د جوړېدو چارې پیل شوې
د پوهنې وزارت_پکتیا: د پکتیا ولایت د زرمت ولسوالۍ اړوند د شاه کاریز منځني ښوونځي د ودانۍ د بنسټ ډبره د پوهنې رییس، د ښار جوړونې او ځمکو ریس انجنیر رحیم افعان او یو شمیر چارواکو په ګډون کېښودل شوه.
د ښارجوړونې او ځمکو رئیس محمد رحیم افغان په وینا د دزرمت ولسوالۍ اړوند د شاه کاریز ښوونځي ودانۍ په پاخه او اساسي ډول د پوهنې وزارت د پرمختیایی بودیجي څخه د ۱۹ میلیونه افعانیو په لګښت د ۱۵ کاری میاشتو په موده کي جوړیږي، چې ۶ درسي ټولګي، کمپیوټر لېب، ۲ اداري خونې، د برښنا او اوبو سیستمونه او احاطوي دېوال به ولري.
د پوهنې رئیس کوچي ځاځي د ولایتي ادارې له مشرتابه د پکتیا د هغو ښوونځیو لپاره د ودانیو جوړولو لپاره مننه وکړه چې زده کوونکي یې تر شنه اسمان لاندې زده کړې کوي. نوموړي وویل چې د تدریسي بهیر د کیفیت د ښه والي لپاره به دغه ریاست ځانګړې پاملرنه وکړي
