پکتیا ولایت کې د ۱۳ مېلیونه افغانیو په لګښت د یوې دیني مدرسې د ودانۍ بنسټ ډبره کېښودل شوه
د پکتیا ولایت سید کرم ولسوالۍ اړوند په عثمان خیلو سیمه کې د یو باب دیني مدرسې د نوې ودانۍ بنسټ ډبره، د ۱۳ مېلیونه افغانیو په لګښت د یادې ولسوالۍ د عامو خلکو مالي ملاتړ سره په ۳ جرېبه ځمکه کې کېښودل شوه.
په همدې موخه جوړه شوې غونډه کې د مالیې وزیر ملا محمد ناصر آخند، چارواکو، د پوهنې ریاست مسئولینو، دیني علماءکرامو او د خلکو استازو ګډون درلود.
چارواکو په خپلو ویناوو کې د مدارسو جوړول د اسلامي ارزښتونو ساتنې، د هېواد بچیانو په اسلامي روحیې سره د زدهکړې او پوهنیز نظام لاپیاوړتیا لپاره خورا اغېزناک وبلل او له خلکو وغوښتل چې د تعلیمي مرکزونو په پراختیا او جوړولو کې له پوهنې وزارت سره هراړخیزو همکاریو ته دوام ورکړي.
