پوهنې وزیر په لندن کې د نویو ښوونیزو ډولونو د څيړنې په موخه د Tollgate لمړني ښوونځي څخه لیدنه وکړه
پوهنې وزارت- لندن: د افغانستان پوهنې وزیر ډاکټر محمدمیرویس بلخي انګلستان ته د خپل رسمي سفر په لړ کې د لندن د Tollgate لمړني ښوونځي څخه لیدنه وکړه. دا لیدنه د بریتانیا په ښوونځيو کې د نویو ښوونیزو ډولونو د څيړلو په موخه تر سره شوه. د افغانستان پوهنې وزیر د دې لیدنې به ترڅ کې د لندن Tollgate لمړني ښوونځي له زده کوونکو، مدیر او ښوونکو سره لیدنه او خبرې وکړې. ډاکتر بلخي د یاد ښوونځي د ښوونیز سیسټم څخه د خوښۍ ترڅنګ زیاته کړه چې د افغانستان پوهنې وزارت مشرتابه په کوښښ کې دي چې په بیلابیلو هیوادونو کې د ښوونیزو ډولونو او نمونو په ارزونې سره، د افغانستان لپاره یوه مناسب ښوونیز سیسټم ته ورسیږو. د یادونې وړ ده چې پوهنې وزیر د 2020 The Education World Forumنړیوال کنفرانس کې د ګډون په موخه چې د ۲۰۲۰ کال د جنوري د میاشتې له ۱۹ څخه تر ۲۲ نیټې (د تلې د ۲۹ مې څخه د سلواغې تر ۲مې ) پورې په لندن کې د تر سره کیدو په حال کې ده، انګلستان هیواد ته سفر کړۍ دۍ. د ښوونې او روزنې نړیواله غونډه هر کال دا نړیوال کنفرانس د ۱۰۰ څخه د زیاتو هیوادونو د پوهنې وزیرانو او استازو په شتون کې د ښوونې او روزنې خدمتونو پراختیا او ښه والي، په ښوونیزو سیستمونو کې د شته ننګونو ارزونې او همدارنګه په ښوونه او روزنه کې د نړیوالو نویو لارو د کارونې په موخه تر سره کیږي.
