پوهنې وزیر د کابل کڼو لیسې له مسئولانو سره د لیدنې ترڅنګ د معلولیت لرونکو زده کوونکو پر ملاتړ ټينګار وکړ
پوهنې وزارت- کابل: پوهنې وزیر ډاکتر محمدمیرویس بلخي د کابل کڼو لیسې له مدیر او مسئولانو سره وکتل او د معلولیت لرونکو زده کوونکو پر ملاتړ یې ټينګار وکړ.
د کابل ښار د کڼو لیسې مدیر او مسئولینو په دې لیدنه کې د یادې لیسې اوسنۍ حالت، ننګونې او شته ستونزې د پوهنې وزیر ته تشریح کړي.
ډاکتر بلخي د معلولیت لرونکو او کڼو ۶۵۰ زده کوونکو لپاره د کڼو لیسې د کړنو څخه د خوښي ترڅنګ په دې مسئله ټينګار وکړ چې پوهنې وزارت هڅه کوي ترڅو یادو زده کوونکو ته غوره ښوونیز خدمتونه وړاندې کړي.
د یادونې وړ ده چې دا لیسه د کابل ښار په ۸ تعلیمي ناحیه کې موقعیت لري چې د لمړي ټولګي څخه تر ۱۲ ټولګي پوري کڼو زده کوونکو او یو ځانګړۍ ټولګۍ د ذهني معلولیت لرونکو زده کوونکو ته ښوونیز خدمتونه وړاندې کوي.
د یادونې وړ ده چې د یادې لیسې د مدیر او مسئولان په هڅه، یاده لیسه به د اشاریوي ژبې کلتور دریم ټوک کتاب تر راتلونکي میاشت خپور کړې چې په دې کتاب کې نژدې ۶ زره لغته په اشاري ژبه ښودل شوي دي.
